وين اروحاً وين اروح....ابجي كل عمري ونوح
وين اروحاً وين اروح
من اموتٍ وين اروح تبقى بس روحي تــنوح
من يغمض عيوني ليه ومن يلم لملي الجروح
امحمل انا ذنوب كلي وجثتي ثكَيلة تـــروح
وبل مغيسل يكَلبوني وانا على صبـة مطروح
وسمع صياح ونحيب الله ويـاه الـغريــب
هالو تراب على كَــبري ورجعو بلاية حبيب
وحدي عافوني ابوحشتي لا أهل يمي وقريب
ونزل ابيتي الجديد مُضلــــم وكلش رهيب
من التفت يسرة ويمين مدري شوصف يا معين
الحالي يبجي عليه حالي وانه حافي وكلي دين
وذمت الناس بــركَبتي وغيبة ماخذ وانه ويـن
بلحدي مطروح وأتاني ومدري شمتاني وحزين
انا بل حفرة انتهيت مدري بيها انا بـــديت
وتالي صوت عليه صاح منهو انتة الي لفيت
لني شو كلشي نسيت انا مو انـــا غديت
الــــخوف اخذني وكلشي بية ما لكَيت
وانا انخا هناك يا حيدر علي انا خادمكم اجيت
انا ماعندي عمل انــا بس ليك انتميــــت
وانا اعرف ما وفيت وتالي هذا انــا صفيــت
ابقبر اضلم ونحنيت من ذكرت حسين برطمت وبجيت
ابو محمد الحسيني الخضري