هــاي ديار حركوها وخيمــــــــــــات
بطف جم اخو تصوب.. وخي مـــــــات
المصاب على المصاب التم وخيمات
اهيس جبال وينزلن عليه
علينه الكَاع من الحزن يـــــــارت
اودموع العين على مضلـوم يارت
يارت ياريت ابو صالح هسةيارت
يضهر للكفر ولنـــــــــاصبية
السهم بحسين شمارة شمرهم
نواعي وأه على شعية شمرهم
الكتل جدنه اهو جدهم شمرهم
او سبه عيال الرسول ابن الدعيه
حبك يابو السجاد بعيوني شلهة
او تصب عليك دمعه اتكول شلهة
تودك بس تناشد بيك شلهة
تريدك دوم تروي جفوف اديه
ــــــــــــــــــــــــــــــــــــــــ
محلاها الصلاة بليل وتراك
او جثيره اجناب عادتنه ولتراك
ما عفنه العقيده بيوم يتراك
اظلم ولنهار ايشح عليه
جّثيره اعداء منهم قذره عده
تعادي حسين شافو دين عده
ولهــــــــــذا قتلهم بينه عــده
كلسنة نبينه اعلل وطيه
ــــــــــــــــــــــــــــــــ
ودينه
وحك الوالي عالشيعه ودينـه
الك ياحسين هل مـأتم ودينــه
لو كَصو رجل منه ودينــــــــه
اقدم روحي بعد الكم لهديه
ــــــــــــــــــــــــــــــــــــ
لزهراء عليها السلام
وحكـَ ام الحسـن وحسيـن يابت
فـــلا مثلج زلم بعد اثنيـن يابت
اريـد اكَـطـع خبـر دلالي يابـت
وعليـكم قفـــل هلأبـوذيه
ـــــــــــــــــ
الج روب وحليب امن امي فاطم
خثر كَلبي ونزل عشكَج يا فـاطم
اثر ضلعج عليه اليوم فـــــــاطم
شب نار اوخمد حسرات بيــه
ـــــــــــــــــــــــــــــــــ
تموت الناس عاده وحينه يشيعه
لآن هذا اصلنه وجيت اشيعه
احنه بل اصل سنه وشيعه
لكن بلعقيده احنه اوليه
ــــــــــــــــــــــــــــــــــــــــ
بحال السيدة زينب ع
يرها
تجر بيه المصايب وانه يرهــــــا
صرت حرمه وغريبه بعين يرهـا
ياعباس المصاب اشلون يرهــا
وشوف بعيني ذبحتكم سويــه
تعريف الجناس
1:اجرها اي اسحب
2:اراها اي انظر
3:يرخا اي رخاء
سجاجينه الشمر دجهن بهاماي
اوعشت وحداي هدنيه بهامـاي
نريد الماي وصحــــــــره بهاماي؟
يل منهم تجيب المايليه
ـــــــــــــــــــــــــــــ
في حال السيد زينب تخاطب الامام الحسين ع
احن حن الحمام عليك لاحن
صرت بس للمصايب ضيم لاحن
بسهام ال اميه شلون لاحن
صدرك يا كريم الطالبيه
ـــــــــــــــــــــــــــــ
وداري
انـه الهدمــو حيلـــي وداري
وجيت انصب مأتمكـم وداري
يتـامه الطـف يتامكـم وداري
اودع نجوم كل نجمه بثريه
ـــــــــــــــــــــــــــــــــــــ
علت فوك الاعالي ونتي ونهة
انه زينب يبو فاضل جيت ونهة
ابجتلكم خويه جا العهود ونهة
شو حرمه وغريبه بدار اميه
ـــــــــــــــــــــــــــــــــ
يا عباس ابذبح عيني تراكـــم
كثر وني وحزن كَلبي تراكــــم
هـــلي تعودون يخواني تراكــم
وحيده ولا اخو ينشد عليه
ــــــــــــــــــــــــــــــــــــــــــــــــــــــــ
صرت بعدك ياخوي ابدمعي اسيرة
تحن النوكــَ ليه وانه اسيــــــــــرة
على دربك اضلاً عمري اسيــــــرة
وركد امتوني بسواط ال اميه
ــــــــــــــــــــــــــــــــــــــــــــــــــ
رضيت ابموتتك يحسين طبعــان
وحملت السياط ابظهري طبعـــان
لجّن ذلني من ايزيـــــد طبعــــان
شتمني ابن الدعي ويامر عليه
ـــــــــــــــــــــــــــــــــــــــ
ــــــــــــــــــــــــــــــــــــ
ابوذيه بحال السيدة زينب عليها السلام وجواب للأبوذيه
الخيام بنار من شبت ويـــانه
نشوف اعـداك خلتهة ويــانه
ولا واحد رحم بينـــه ويــــانه
حمه اعيالك يسبع الغاضريه
ــــــــــــــــــــ
عمت عين الزمان الشد وياكــم
او خله ايزيد يتأمر ويـــــــــاكم
حرك خيمت رقيه وضل و يــــاكم
سحن كَلبج يزينب على وطيه
ـــــــــــــــــــــــــــــــــــــــــــ
زينب يا علي بسمك تطرت
وبفكد الاخوه اليالي طرت
مسبيه وغريبه ودمع طرت
مامش من رحمهة ابدار اميه
ــــــــــــــــــــــــــــــ
احنه البينه خلص طيب سنـــته
وحنه الشيعه لمحمد وسنتــــــه
او مو منه الكفر والجمع سنتـه
وشره البناس تكَتل على وطيــه
ـــــــــــــــــــــــــــــــــــــــــ
الك كل حرف بلقرأن.........منزل
ركز حبك وجوب وفرض......منزل
الك بعيوني لو مريت .......منزل
خصبا على الكفر ولناصبيه
ــــــــــــــــــــــــــــــ
للأمام علي ع
حزن مطبور راسك يـــــــــا علينـــــــا
يــل بعــد النبــي انت علينــــــــــــا
ريت اجروح البراسك علينــــــــــــــا
اوسلم هامك ياسيد هلبــــرية
ـــــــــــــــــــــــــــــــــــــــ
دمع بعيوني اخصًا لليحاجيني وعلي راد
اميله اشلون اميلنه وعلــــــــــــــــي راد
حزن رمضان هلجاني وعلـــــــــــــي راد
بسود هلعزاء ايلوك اليــــــــــــــــــــه
ـــــــــــــــــــــــــــــــــــــــــــ
وحكَـ من يدوي صوت اسمه بذانـي
ولبــــاري الرفعـــ اسمـــك بذانــــي
ألآذاكــ يـــاحيـــدر اذانــــــــي
كوم قنفذ كل وقت هم ناصبيه
ـــــــــــــــــــــــــــــــــــ
هليت
الك حزن وفرح يا رمضان هليت
بفراح ومسره ودمـــــــع هليت
ابنصف رمضان ياكرار هليت
وعزي الزهره بمصاب البريه
ــــــــــــــــــــــــــــ
وعداي للأمام المهدي ع
تخزن جرحي فوك جروح وعــــداي
صبراً يا روافـض حان وعــــــــداي
الفرج مني قرب وقترب وعــــــداي
لــــراويهم امـام الرافضـيــه
ودينه
وحكَـ النطرته الشيعه ودينـه
عتابات الزمن تدمع ودينــه
تشوف اشلون حالتنه ودينـه
نموت وياك بسم الرافضيه
ـــــــــــــــــــــــــــــــــــــــ
يلمهدي انشدما وضل رايح ..ورد
مشتاك وبمولدك جيت اب ..ورد
ذبلان ولشوفتك يمته ات ..ورد
وترجع الماي اليشح بلغاضريه
ــــــــــــــــــــــــــ
الى كريم الدار
الفرح بجبـال احملنــا وسهـــــــــــــلا
الك احزان عمري اليوم سهــــــــــــلا
كريم وجيته ابرمضان يا اهلا وسهلا
يطش نوره الحسن عالجعفريه
ـــــــــــــــــــــــــــــــــ
امامي انته وصرت قبلة قبلتي
ونه العاشك الك اهدي قبلتي
الك والله العمر تهدي قبلتــــي
اونعيش بلا لقب لبن الزجيه
ـــــــــــــــــــــــــ
هذه ابوذيه على شخص وهابي كتبتها
بعد ما طال لسانه على اخوانه في جو حسيني
يغيض الناس بحجايه شمركم
طبع باسج يرد ولبي شمركم
الكتل جدنه اهو جدكم شمركم
او سبه عيال الرسول ابن الدعيه
الشـاعر ابو محمد الحسيني الخضري
