أهدي ابروحي أريض الحال
بس حالي تعلم ضيَف أحزانــــــــه
انه ام اليتامى وأم لكل مظلوم
وم كَلب الجبير امشرعه بيبانـــــــه
جسمك ضيعيته ابنص عجّاجّ وخيل
بس راسك يخويه اتيسر ويانــــه
أصد وتمايز ابراسك وعرفك زين
وذا قـرأن ربنه ونزف شريانـــه
زين وبقت دنيه ابهاي دنيانـه
موش احنه الاله الـعترة سمانــــه
حق الموت عدنه ومعتقدنه انموت
بس ياهوه جملة انذبحت اخوانــه
حملني زماني الغربه وي الظيم
ونطيهَ ثمر وبدور دنيانــــــــه
لبست امنل الحزن اهدوم نص اليل
ومن تبرد رقيه ابهاي احير انــــــــه
وحز ابكَلبي مرود بس أطشر نار
ولا اسمع رقية اتكَول بردانــــه
خلاني الوكَت ناعور حزنان على كَيعانه
ومن تعطش سكينه دمعي افزعانــــــــه
لجمات المصابه اكبار وكتمهن
أحن انعى وخاف أتون يتامانــــه
عفيه اشكد حمل بكَليبي احملنه
او لو هنه ابجبل نبضات بركانــــــــه
شعر\ابو محمد الحسيني
القصيدة بصوت الشاعر