تكَرط افجووج الحجت يوم الزماط
او كَامت اتحد الرعيع اسنونهــــا
بلاية أدين وحيل وكت اللي اجوك
وطلعت العربان حمر عيونهـــــا
صار عدهم عيد يوم الاحتلال
ونعمت بغداد ويبجَونهــــا
جوكة جوكة اتحزمو طاح العراكَ
وفرحت الدوحة وتكحل عيونهـــا
والشجاعة اليحجي بيهة ابن الرياض
طلعت على الفقرة ويفجرونهــــا
همزين نعرف ابد مابيكم شريف
ودمع بتي الطايح ابماعونهــا
بية اشمتو شما شمتو انا العراق
اهدومي باجر من يجي اتطلبونهـــــا
ندري وحدك عايش أبجومت نفاق
وندري ساعت ضيج ويشوفنهـــا
وندري من الكَاع ودهم يشلعوك
وأرضك اسرائيل يستلمونهـــــا
كلشي نعرف احنه والله يا عراق
ابولدك انياشين ما ينسونهـــــا
امس شعبك عاش وسط امفخخات
وروس اخوتي انصيح لتكَصونهــــا
شعر \ابو محمد الحسيني
